जे सांगायचं आहे ते आजच सांगा
उद्या कदाचित मी नसेन
आज तुम्ही माझी चेष्टा करताय
उद्या कदाचित मी तुमच्यावर हसेन
मी आज तुमच्यासाठी आहे
उद्या कदाचित तुम्ही माझी वाट पाहाल
जे तुम्हाला आज दिसत नाही
उद्या कदाचित ते तुम्ही बघाल
मी आज मीच आहे
उद्या कदाचित नाही राहणार
आज माझ्या नावाला मी ओ देतो
उद्या कदाचित वळूनही नाही बघणार
आज आपलं नातं आहे
उद्या कदाचित ते नाही उरणार
आज मला दु:ख होतं
उद्या कदाचित काहीच नाही जाणवणार
आज असाल तुम्ही कामात व्यस्त
उद्या कदाचित मी मागणार नाही धीर
आज तुम्हाला नाही माहीत मी कोण आहे
उद्या कदाचित झाला असेल उशीर
No comments:
Post a Comment